Enes Tèrres de Lhèida trobaratz era major diversitat ornitologica de Catalonha

Es observadors d’audèths (birdwatchers), que vien de tota Euròpa e deth mon tàs nòstes latituds atrèti pes audèths que i  viuen, cerquen, logicament, aqueri audèths absents o fòrça rares enes sòns païsi. Erosament, aguestes espècies coïncidissen tot soent tamb quauqu’uns des nòsti audèths mès freqüents e caracteristics, ja que se tracte d’audèths circonscrits ena region mediterranèa que mos entore. D’auti còps, totun, cerquen era observacion d’audèths reaument qu’escassegen, de distribucion plan limitada, requeriments biologics o abits molt especifics, que hèn qu’ací siguen de localizacion  mès o mens complicada. En tot tier en compde aguestes variants e  es expectatives que possen a quinsevolh observador d’audèths a viatjar tà casa nòsta, n’auem escuelhut cinquanta espècies.

D’aguesti cinquanta audèths, laguens deth Principat de Catalonha, quauqu’uns an tota o part dera sua poblacion enes tèrres de Ponent, un ampli territòri que entornege des des Pirenèus ath nòrd enquiath confluent der Ebre, eth Cinca e eth Segre ath sud, passant pes melhors e mès extensi airaus arids des nòstes contrades. Per aguest motiu, era demarcacion de Lhèida ei un airau excepcionau entath torisme ornitologic o “birding”..

Entà facilitar era programacion d’estades e de rotes ornitologiques en Ponent s’a incorporat ena web era aufèrta de lotjaments e servicis complementaris, en tot recuélher particularment per prumer còp en hilat tot eth ventalh d’agéncies de guidatge ornitologic qu’opèren enes nòstes comarques.

Fin finau, tota era informacion presentada aciu se pòt consultar e ampliar enes dependéncies dera Oficina de Torisme Ornitologic des Tèrres de Lhèida.

Informacion des audèths

Entà cada espècie auem elaborat ua ficha que conten d’ua manèra simpla e visuau era informacion basica entà saber-ne mès e poder-la localizar. Ath delà dera fotografia e dera veu, se higen uns còdis que mèrquen er abitat a on mès comunament se tròben e eth grad aproximat de dificultat entà trobar-les (baish, miei o naut). Tanben se hè ua descripcion deth sòn estatus e conselhs entà cercar-les. Finaument se hig un mapa que hè ua triga des melhores comarques entà anar a observar-les, ena epòca de cria..

En quauqui cassi ei melhor anar a trobar-les en iuèrn o en airaus que tèrmien damb era demarcacion de Lhèida. Previsiblament (e mès encara en cas des audèths, gràcies ara sua mobilitat ) er estatus, era distribucion e es poblacions aciu descrits cambiaràn en bèth cas e per açò que vos agraïram es vòstes aportacions.

Simbologia


 Dificultat:
Nauta   Mieja   Baisha
 Estatus:

Estivau

Migrant

Iuernant

Resident
 Abitat:

Forestau

Estepari

Matarrassi

Aquatic
habitat_roquisar
Malhum

Nauta montanha

Camps e pesheus

Collaboracions


A compdar d’ua iniciativa deth Patronat de Torisme dera Deputacion de Lhèida, es contenguts d’aguest projècte precursor en nòste país an anat a cargue dera Oficina de Torisme Ornitologic des Tèrres de Lhèida, ICO e SEO/BirdLife. Cau arregraïr, especiaument, era supervision des contenguts hèta pes ornitològs Carles Santana e Javier Gràcia Gans e era collaboracion deth Departament de Miei Ambient dera Deputacion de Lhèida. Es fotografies son òbra de Jordi Bas, Guillem Chacó, Mariano Fernández, Rufino Fernández, Aurora Fontoba, Toni Pena, Carles Santana, Fernando Guerrero e Carles M.Martín. Es sons an estat cedits per Eloïsa Matheu.